Pagkatapos nang masaya na pagsalubong sa isa't isa, ipinakilala silang lahat ni Nicolo kay Morgan. Naramdaman ni Clara ang simpatiya sa kaniya ni Morgan nang malamang siya ang asawa ni Bernard.
"I will do my best to help you in any way I can, Mrs. Ledesma," puno ng sinseridad na saad ng kaibigan ni Nicolo sa English accent. Kamukha ito ng artistang si Chris Evans na gumanap sa 'Captain America'. Color green din ang mga mata nito, at malaking tao rin. "Magtulungan tayo para makauwi na sa inyo ang asawa mo,," dagdag pa ni Morgan.
"Thank you, Morgan. Just call me, Clara," sinsero ring sagot niya.
"Nakita ko na, 'tol, ang totoong Kapteyn Amerika," humagikhik na bulong sa kaniya ni Chame. "Hindi na mukha ni Kapitan Mais ang maiisip ko sa tuwing naririnig ko si Kapteyn Amerika. Hindi na ako m
