"Ano ang ibig mong sabihin, Kuya Jared, na wala sa realidad si Bernard? May amnesia siya?" magkasunod na tanong ni Clara sa kapatid ng asawa. "Kaya ba hindi pa siya umuuwi sa'min?"
"Ang sabi ng imbestigador ko noong una niyang nakita sa Russia si Bernard, baka raw may amnesia ito. Dahil hindi raw ito nagreresponse noong tinatawag niyang "Bernard". May iba na rin daw itong pangalan," pagkukuwento ni Jared. "At kahit ang mga kilos nito ay hindi raw tugma sa description na ibinigay ko sa kaniya. Para raw itong ibang tao kung kumilos at manalita. He even speaks Khalkha. It's a dialect of central Mongolic widely spoken in Mongolia."
"Baka natutunan niya kay Lord Tiger o Lord Racoon, Kuya Jared," sabat ni Reuben. "Half Mongolian ang dati kong boss. Madalas rin siyang marinig noon na nagsasalit
