One year later...
"Boss B! Boss B!" Napangiti si Clara habang pinapakinggan ang hiyawan ng mga tao. Kung isigaw ng mga taga-Barangay Summer ang pangalan ng asawa niya, parang ito ang kandidatong kapitan. "Boss B! Boss B!"
"Hello, mga ka-barangay! Huwag po sana nating kalimutang isulat sa balota ang pangalan ng ating mahal na kapitan, si Kapitan Mais Conielo!"
Lalong naghiyawan ang mga tao nang magsalita si Bernard. Halos lahat ng mga tao ay gustong makalapit sa asawa ni Clara. Totoo nga ang sabi noon ni Kapitan Mais na kung si Bernard ang tatakbo, wala ng duda ang panalo nito. Bukod kasi sa ginawa noon ni Bernard kay Badong Uwak, tuloy-tuloy lang ang ginagawa nitong pagtulong sa Barangay Summer. Hindi lang sa pinansiyal na tulong kundi pati na rin ang pagpapanatili ng kapayapaan. Ang as
