Lihim na naawa si Clara habang pinagmamasdan si Bernard na gulong-gulo ang buhok. Gusot-gusot din ang damit at pantalon nito. Pati mga mata ng nobyo ay nanlalalim din. Para itong batang pinabayaan ng nanay.
Dahil nga ni-locked ni Erin ang gate kaninang madaling araw kaya sa labas ng gate natulog sina Bernard, na mukhang hindi rin naman natulog. Ngayong gabi na lang nila pinapasok ang mga ito. Kung hindi nga lang panay ang tanong ni Marikit kung nasaan daw ang tatay at mga ninong alphabet nito, nunca na makakapasok sina Bernard. At kung hindi lang din maririnig ni Marikit ang pag-aaway nina Bernard at Clara, kanina pa niya binungangaan at pinagbabato si Bernard. Kanina pa sana ito inihagis ni Clara palabas ng kuwarto.
Ayaw ni Clara na makita ni Marikit na nag-aaway sila ng ama nito kaya p
