"ALAM mo, hija, lahat ng nangyayari sa buhay niya ay sinasabi sa akin ng anak kong 'yan. Kaya alam ko na minsan lang talaga siya magmahal. Hindi rin siya basta-basta nahuhulog sa isang babae. Katulad na katulad si Dimmitry ng Papa niya. I know and I can promise to you na hindi ka niya kayang pagtaksilan, hija," nakangiting sabi ni Mrs. Zobel habang pinagmamasdan nila mula sa kinaroroonan si Dim habang katabi ang Papa nito. Tapos na silang maghapunan sa mansyon. Kasalukuyan silang nasa sala at nagkakape. Magkatabi sila ng ginang habang ang mag-ama naman ay may pinag-uusapan sa di-kalayuan.
"Kahit po gusto kong magalit kay Dim, hindi ko ho magawa dahil kilala ko siya. Alam ko rin ho ang laman ng puso niya at alam ko hong totoo ang sinasabi niyang hindi niya ako iiwan," sagot niya sa mabait
