"HELLO, Thea? What happened? Bakit hindi ka rin pumasok?" Maaga siyang nagising nang umagang 'yon kahit pa hindi naman yata siya nakatulog nang nagdaang gabi. Gayunman ay hindi siya gumayak para pumasok sa opisina. Kung dati-rati ay nagmamadali pa siya sa paggayak, ngayong araw ay tamad na tamad ang kanyang pakiramdam. Siguro ay dahil tuluyan na siyang nawalan ng gana sa taong kanyang pinaglilingkuran. Napakunot-noo siya sa tanong ng kaibigan.
"What do you mean?"
"Hindi rin pumasok si sir Dominique. Ngayon lang nangyari 'to, girl. May alam ka ba kung ano'ng nangyari?" She treated Lovi as her real sister. At dahil sa tingin niya ay kailangan rin niya ng kausap para maihinga lahat ng nangyayari sa kanya ngayon, makikipagkita siya sa kaibigan.
"Magkita tayo, Lovi. Mamayang lunch time sa
