HE faced her with his angry expression. Pero saglit lamang iyon, nag-iba ang reaksyon niya nang makita ang batang lalaking hanggang sa mga oras na iyon ay hawak pa rin nito sa isang kamay. Inosenteng nakatingin sa kanya.
"Excuse me? Mukhang nagkamali ka yata ng pinuntahan, Miss," sabi niya. Gusto sana niyang sabihin na hindi naman bar ang bahay nila pero pinigilan niya ang sarili dahil sa kasama nitong bata.
"Dim, let me explain first, okay?" Ang pagkagulat na nararamdaman niya nang mga sandaling iyon ay nahaluan na rin ng pagkalito. Nang magkita sila sa bar ay hindi naman siya kilala ng babae. Gusto pa nga sana nitong kuhanin ang pangalan niya pero hindi siya pumayag. Pero bakit ngayon ay kilala na siya nito? Nakakagulat pa na maging ang bahay ng mga magulang niya ay alam na rin nito.
