NANG PUMASOK sa loob ng shower room si Dim, iginayak niya ang pamalit nitong damit. Mabuti na lang at hindi pa niya naiaalis ang mga damit nito sa kanyang closet. Kaya pala kahit anong galit niya dito ay hindi niya magawang itapon ang mga damit nito. Iyon pala ay dahil babalik ang binata sa buhay niya.
Habang nasa loob ito ay pinalitan niya ang bedsheet, comforter at mga pillowcase ng kanyang unan. Pagkatapos ay naghanap naman siya ng pamalit na pantulog dahil paglabas ni Dimmitry ay siya naman ang papasok sa loob. Sanay kasi siyang mag-freshen up bago matulog.
Hindi nagtagal ay lumabas na rin ito. Nakahubad baro ito at sa ibabang bahagi ng katawan ay tuwalya lang ang tumatakip. Bagong ahit na rin ito at malinis na malinis na ang mukha. Ilang sandaling napako ang paningin niya sa matip
