HINDI siya kaagad gumalaw para siguraduhing hindi lang siya basta nag-iimagine. Gusto niyang makasiguro na totoong narinig niya ang boses ni Dimmitry.
"Hey, kanina tinatawag mo ako. And now that I'm here, wala ka naman palang gagawin." Narinig pa niyang sabi ng baritonong tinig na iyon na miss na miss na niya. Sunud-sunod muling muling pumatak ang kanyang mga luha. Para bang may nakadagan na mabigat sa kanyang dibdib pagkatapos ay biglang nawala. Nanginginig na dahan-dahan siyang humarap. At ganoon na lang ang gulat niya nang makitang nakatayo nga sa harapan niya ang binata. Napatutop siya sa bibig habang umiiyak pa rin. Ilang beses siyang napakurap na para bang gusto niyang siguruhin na si Dimmitry nga iyon.
"D-Dim?" bulong niya nang sa wakas ay mahagilap ang sariling tinig. Pasimple
