PARA siyang nabingi dahil sa sinabing iyon ni Jaz. Kaagad nanginig ang kanyang katawan at kung hindi siya maagap na naalalayan nito ay baka bumagsak siya sa buhanginan.
"Ano'ng sabi mo?" Tumulong bigla ang kanyang mga luha at nanalalaki ang mga matang tiningnan ito.
"Ate, naghatid lang ng guests si Dim sa Isla Coslo, pabalik na siya dito nang biglang magloko ang makina ng chopper. Kami rin hindi rin namin mapaniwalaan kung paanong nangyari 'yon. Ilang beses ng nagkaroon ng ganitong emergency si Dimmitry pero nagagawa niyang ilapag ng maayos ang chopper. Hindi ko alam kung paanong nangyari 'to," naiiyak na rin nitong sabi.
"Bakit nagkagano'n? 'Di ba chinecheck naman niya 'yong chopper everytime na may biyahe?" Patuloy siya sa pag-iyak. Sa isip sana ay isang panaginip lang ang lahat.
