Eunah
MASAYANG PAGDIRIWANG ang naganap sa bayan ng Sta. Maria. At bago pa man ako pagurin ni Damiel at ng mga bisita namin ay inanunsiyo ko na sa lahat ang regalo ko para sa aking mahal na asawa.
"Ito po sana ay mamaya ko na lang ibibigay sa kanya, kapag kaming dalawa na lang," sabi ko sa mikropono. "Pero mas masaya po siguro kung malalalaman niyo rin."
Nagpalakpakan naman silang lahat.
"Buksan na 'yan! Wohoo!" sigaw bigla ni Dame Lei, na siyang ikinatawa ng lahat.
"What is this?" tanong naman ni Damiel habang hawak na niya ang isang maliit na box na ibinigay ko sa kanya.
Naririto kami sa nakatalagang silya para sa amin, na para kaming hari at reyna dito. Mayroon ding sariling silya ang anak namin sa unahan namin, pero wala siya dyan ngayon at nakikipaglaro nang muli sa mga pinsan
