Mad 6
(Kaye)
Dinala ako ng nurse na nagngangalang Vynce sa isang silid kong saan may naghihintay sa aking babae, simple lang ang ayos ng silid, pero puros puti na naman ang aking nakikita kahit saan ako lumingon, kahit din ang suot niyang uniporme, may nakasulat sa nameplate niyang nakasapit sa kanang dibdib: Dr. Jona Crisostomo.
May lamesang namamagitan sa amin, dalawang upuan, mga kabinet sa likuran niya, may isang recorder na nakapatong sa lamesa namin, ballpen at folder na may lamang papel, may nakatayo pang camera sa likuran niyang nakatutok naman sa akin, ang bago ngayon sa akin ay makakita ng bintana sa mumunting silid na ito, kita ko mula sa bintana ang kalangitan, nakaramdam ako ng lungkot, kailan pa ba ako aalis dito? Gusto ko nang lumabas?
“Iha,” napasulyap ako nang tawagin
