"Denver, nakapagluto na kami nila manang." Excited na bungad ng asawa ko. Panibagong hapon na ganito ang bubungad sa akin pag-uwi. Sunod-sunod ang problema sa mga negosyo, pero biglang nawala ang pagod nang makita ko ang babae. Nakabihis ng simpleng damit, medyo magulo ang buhok, at halatang medyo basa ng pawis dahil sa pagluluto.
"Wife, andito ka na naman. Pawis na pawis ka, oh!" agad kong niyakap ito mula sa likuran at pinatakan nang halik ang batok nito. Napahagikgik ito nang gawin ko iyon dito.
"Ano ka ba? Mahiya ka nga kila manang." Sinilip ko ang mukha nito. Pulang-pula ang pisngi nito na parang nahiya nga talaga.
"Tara pala sa kwarto. Doon na lang para hindi ka mahiya kina manang."
"Patapos na kaming magluto. Ikaw na lang muna, tapos baba ka agad para makakain tayo nitong me
