Seryosong pinagmamasdan ko ang parte kung saan bumagsak ang sasakyan nila papa at Alatheia. Nagrenta kami ng yate, hindi ginamit iyong available na yata namin. Dahil ayaw naming makakuha sila ng tip kung sino kami at kung bakit kami nasa parteng ito ng dagat.
"Mula roon... bumulusok sila pababa. Malalim sa parteng iyan, sinisid na ng mga tauhan ang parteng iyan, ngunit hindi nakita ang bangkay ng kapatid mo. Ang mga bato d'yan ay matutulis. Malakas din ang alon at no'ng panahon na iyon ay katatapos lang ng bagyo."
"Sa mga kalakip na barangay? Wala bang balita? Baka may napadpad sa kanilang bangkay ng babae."
"Nag-utos na rin ako. Ngunit wala talaga." Tugon ni Uncle Ataro. Halos hindi na rin nagpapahinga ang isang ito. Siya ang inatasan namin para magpatuloy sa paghahanap kay Alatheia
