Last na 'yong sa libing. Iyon ang ipinangako kong luluha ako at manghihina. Tapos pagkatapos no'n ay magpapalakas ulit ako.
Hindi naman ako nahirapang gawin iyon dahil may Liong hindi talaga ako iniwan.
Sunod-sunod ang ginawa kong pagbaril, mabilis ang bawat kilos. Ang mga baril na nauubusan ng bala ay iniitsa ko na lang basta. Saka dadampot sa mga naghihintay pa at itinututok sa mga target.
"Ako naman." Huminto ako saglit at pinanood si Lion na casual na naglakad patungo sa mga target. May dala itong mansanas at ipinatong n'ya iyon sa kanyang ulo. Kaunting pagkakamali lang ay tiyak na sasabog talaga ang bungo ng asawa ko.
Pero confident kong hinawakan ang baril, concentration, confidence, saka ko kinalabit ang gatilyo ng baril. Wasak ang mansanas.
Napapapalakpak si Lion sa husay
