Napangiti ako nang makita si Leroy na kumuha ng isaw tapos ay agad niya iyong kinain. Mukhang sobrang nag-e-enjoy siya sa mga streetfoods na siyang labis na nakakatuwa.
Iyong kilala ko kasi ay ang arte. Kahit na noong unang beses na dalhin ko siya rito ay ayaw niyang kumain dahil baka madumi raw at sumakit lang ang tiyan niya. Hindi ko sasabihin na si Elliot iyon, pero parang gano’n na nga.
“Why don’t you try this, bro?” nakangising tanong ni kuya Aries, tapos ay itinuro pa niya kay Elliot ang isaw.
“Hindi ako aswang Aries,” masungit na sagot ni Elliot kaya sabay na natawa sina kuya at Zoe.
Maging si Leroy ay mahina ring natawa. Mabuti na nga lang at napigilan ko ang sarili ko. Grabe naman kasi ang naging sagot niya. At ano ang tingin niya sa amin, mga aswang?
“Hindi naman kasi aswang
