Third-Person's Point of View
Nang dahil sa ingay na nanggagaling sa labas ay nagising si Sage sa gitna ng masarap na pagtulog. Tila may nagaganap na pagdiriwang sa labas. May kumakanta at mga iba't-ibang nga instrumento ang kanilang pinatutugtog.
"Ano 'yon?" tanong ni Sage sa pag-aakalang naroon pa sa kubo si Damian at mayroon pa siyang kasama roon, ngunit nang tignan niya ang lugar na tinutulugan nito ay wala siyang nakitang binatilyo.
Dala ng kuryosidad ay bumangon na siya upang tignan kung ano ang nagaganap sa labas. Maliwanag na at mainit na rin ang sikat ng araw sa balat. Inayos niya lamang ang medyo kulot niyang buhoy na nagkabuhol-buhol sa kaniyang pagtulog at nang tingin niya'y hindi na siya mukhang ewan ay lumabas na siya at kaniya nang tinignan ang nagaganap na tila isang pagd
