Sa labis na takot na naramdaman ni Sage ay napatakbo siya papunta sa kinaroroonan ng tatlong mga kasama niyang kalalakihan. Halos madapa na at mawalan ng balanse sa taranta, ngunit hindi niya iyon ininda.
"Damian!" malakas niyang tawag sa binatilyo nang makarating na siya sa ibaba ng barko. Mainit sa parteng iyon dahil mistulang malaking kalan ang kanilang kinaroroonan kung saan kailangan nilang masigurong may gatong ang pugon upang tuloy-tuloy ang takbo ng makina ng barko at hindi sila tumirik sa gitna ng karagatan.
Salit-salit sila sa paglalagay ng mga gatong na kahoy na kasing lalaki halos ng kanilang mga binti. Hindi naman kailangang lagyan parati. Dagdagdagan lamang nila pagkalipas ng ilang sandali at lalayong muli upang hindi mababad ang balat nila sa init.
Sa lakas ng pagtawag n
