"Anong ginagawa ninyo rito?" tanong ni Sage sa tatlo na gulat na gulat ang itsura nang makitang mistulang naghihintay sa kaniya sina Damian.
Mukhang mga kaawa-awa ang mga itsura nila.
Halos mag-unahan sila sa pagtayo nang marinig ang boses nito. Halos walang nakarinig o nakapansin na nagbukas ang pinto ng silid dahil pare-pareho silang tulala.
Walang sumagot sa kanila at kapansin-pansin ang pag-iwas nila ng tingin sa kaniya. Isa lang ang naisip ng dalaga na itanong sa tatlo.
"Nagsikain na ba kayo?" tanong niya sa kanila at nang ibalik nilang tatlo ang tingin sa kaniya'y nakuha na niya agad ang sagot kahit wala sa ni isa ang nagsalita.
Nagpasya siyang iwan na sila at magtungo sa kusina. Habang naglalakad ay napapalingon siya sa paligid na naaabot ng liwanag ng kanilang mga lampara. W
