I SEE A MONSTER
CHAPTER 31
NABABANAS pa rin si Donnington sa kapatid na si Yayoh. Mas nasuklam pa siya sa sinabi nito kagabi sa kanya na siya ang makakalaban niya kapag may ginawa siyang hindi maganda. Sinong tinakot ni Yayoh? After all, siya ang pinuno tapos na ang paglilingkod ng kanyang kapatid. Dahil sa kapabayaan at kahinaan nito kaya kinalaban sila ng mga mortal. Dahil sa sobrang luwag at bait nito kaya tinuklaw sila ng sarili nilang mga kaibigan. Na labis nilang pinagsisisihan kaya nagbitiw ito bilang hari ng mga lobo.
Nagmukmok sa isang tabi ang kanyang kapatid at parang tangang umaasa na buhay pa ang anak nila ni Farrah at naiwan lamang sa mundo ng mga tao. Madaling nagpapaniwala si Yayoh hindi nito naisip na baka gawa- gawa lang ng isang mago sa daigdig ng mga tao. Ang liwan
