MALAWAK na napangiti si Marco nang makita ang resulta ng ilang araw niyang pinagkaabalahan para sa gagawin niyang marriage proposal para kay Anamor. Satisfied naman siya sa kinahinatnan ng ginawa niya at sulit ang pagtitiis niya ng ilang araw para lang mabilis na matapos iyon. Sana nga lang ay magustuhan din iyon ng dalaga.
Nagpaabot si Marco ng dilim sa ilog para i-double check ang kanyang ginawa. At kahit siya ay hindi maiwasang hindi mamangha nang makita ang resulta ng kanyang pinaghirapan. Nagmukhang nasa isang fantasy movie ang buong lugar dahil sa iba't-ibang makukulay na ilaw na inilagay niya.
Mayroong maliliit na ilaw na inilagay si Marco sa mga puno at halamang nakapalibot sa ilog na nagsisilbing alitaptap na kumukutikutitap sa karimlan ng gabi. Maging ang ilog ay nagliliwanag a
