TAMAD na tamad na bumangon si Anamor sa kama dahil pakiramdam niya ay sobrang bigat ng kanyang pakiramdam. Ilang araw nang ganoon ang kanyang nararamdaman pagkagising niya sa umaga at parang gusto na lang niyang humilata sa ibabaw ng kama buong araw. Minsan ay nakakaramdam din siya ng pagkahilo at pagbaliktad ng sikmura na hindi na lang niya binibigyang pansin dahil mabilis din naman 'yong nawawala.
Medyo tanghali na naman siyang nagising at katulad ng mga nagdaang araw ay wala na si Marco at ang anak nila sa tabi niya nang magising si Anamor. Minsan ay sa bahay nila nagpapalipas ng gabi si Marco tulad kagabi pero umuuwi pa rin naman ito sa bahay na tinutuluyan nito. May pagkakataon lang na inaabot ito ng lalim ng gabi sa bahay nila kaya doon na lang niya ito pinapatulog na wala namang pr
