HINDI mapuknat ang ngiti sa mga labi ni Marco habang naghahanda siya ng kanyang magiging almusal. Para siyang baliw na panay ang pagngiti simula pagkagising pa lang niya, hanggang sa pagligo at hindi pa rin iyon nawawala hanggang ngayon.
Para siyang hindi kulang sa tulog samantalang kung tutuusin ay dalawa hanggang tatlong oras lamang yata ang naitulog niya kagabi. Sobrang gaan din ng pakiramdam niya nang araw na iyon at hindi maikakailang sobrang saya rin niya na kung may ibang taong makakakita sa kanya ay aakalaing tinakasan na siya ng bait.
"Damn! What did you do to me, mi amor? Bakit ako nagkakaganito?" tanong ni Marco sa sarili at napailing habang hindi nawawala ang ngiti sa labi. Pero kahit na ganoon ang epekto sa kanya ng dalaga ay hindi niya itatangging gusto niya iyon. Kahit na
