NAPASINGHAP na lang si Anamor nang bigla siyang hilahin ni Marco papasok sa bahay bago isinandal sa likod ng nakasaradong pinto. Kakatok pa lang sana siya nang biglang bumukas ang pinto at nagulat na lang siya sa sunod na ginawa ng binata. Tila inaabangan sadya nito ang pagdating niya.
Hindi na rin nagawa pang makapagprotesta ni Anamor dahil natagpuan na lang niya ang sariling nakakulong sa mga bisig ni Marco at nakapinid ang katawan sa pinto habang inaangkin ng binata ang labi niya. Parang lagi itong sabik na sabik na muling matikman ang labi niya at wala siyang ibang nagawa kundi ang magpaubaya sa binata at tugunin ang masarap na halik nito.
"Good morning, mi amor..." malawak ang ngiting bati ni Marco sa kanya nang pakawalan nito ang labi niya.
"G-Good morning..." namumula ang mukhan
