"MARCO? Patrick? Anong ginagawa n'yo rito?" nagtatakang tanong ni Anamor sa dalawang lalaki na kumuha sa atensyon ng dalawa. Sabay ang mga itong tumayo at parehong may malawak na ngiting humarap sa kanya na parang hindi ang mga ito masamang nakatingin kanina sa isa't isa.
"Magandang gabi, Amor," bati ni Patrick sa kanya dahilan para sumimangot si Marco.
"Papansin..." bulong ni Marco na hindi nakaligtas sa pandinig ni Anamor. Alam niyang narinig din 'yon ni Patrick na hindi na lang nito binigyang-pansin.
Naglakad si Anamor palapit sa puwesto ng dalawa na parehong nanatiling nakatayo at hinihintay na makalapit siya. Hindi niya maiwasang hindi mailang dahil parehong nakatitig sa kanya ang dalawang binata. Muling umupo ang dalawa nang makalapit siya sa puwesto ng mga ito. Pareho ang mga ito
