"MAUUNA na ako sa inyong dalawang magpahinga. Gustuhin ko man na magtagal pa para makipag-inuman at makipagkuwentuhan pa sa inyo pero may maaga pa akong kliyenteng ime-meet bukas. Malalim na rin ang gabi at isa pa ay medyo tinamaan na rin ako ng iniinom natin," paalam ni Mr. Salvador kaya naiwan si Marco kasama ang kanyang 'Tay Ramon sa labas ng bahay kung saan nila napiling mag-inom.
Maganda ang panahon ng gabing iyon, walang buwan pero maraming bituin sa kalangitan. Nagsisimula na ring lumamig ang simoy ng hangin tanda na lumalalim na ang gabi.
Mayamaya ay dumating si 'Nay Rosa at pinahinto na nito sa pag-iinom si 'Tay Ramon dahil medyo tinamaan na rin ito ng epekto ng alak na iniinom nila. Medyo nakakaramdam na rin si Marco ng pagkahilo pero kaya pa naman niya. Mabilis lang siyang na
