"AKO nga. Bakit parang gulat na gulat ka?" nakangising wika ni Patrick.
"Pero bakit?" hindi pa rin makapaniwalang tanong ni Anamor dahil hindi niya inaasahan na si Patrick ang stalker niya, na ito ang nagpapadala ng mga mensahe at ng video sa kanya. Gusto niyang malaman kung anong rason nito kung bakit nito ginawa 'yon.
"Bakit? Tinatanong mo ako kung bakit?" tanong nito bago malakas na tumawa. Pero agad din naging seryoso ang ekspresyon ng mukha nito bago masamang tumingin sa kanya.
Napalunok si Anamor at bahagyang napaatras dahil nakaramdam siya ng takot sa binata. Parang hindi na ito ang Patrick na kilala niya noon, parang hindi na ito ang Patrick na kasama niyang lumaki at parang hindi na niya ito kilala ngayon.
"Mula pagkabata alam mo nang may gusto ako sa 'yo. Hinintay ko na magi
