NAALIMPUNGATAN si Anamor nang makaramdam ng marahang paghaplos sa kanyang mukha. Dahan-dahan niyang iminulat ang kanyang mga mata at mukha ni Marco ang unang bumungad sa kanya na puno ng iba't-ibang emosyon ang mga mata habang nakatitig sa kanya.
"Pasensiya na, naistorbo ko yata ang tulog mo..." paghingi nito ng paumanhin. Tipid niya itong nginitian.
"Ayos lang. Kanina ka pa ba?" tanong ni Anamor sa binata bago bumangon para umupo. Inalalayan siya ni Marco na makabangon hanggang sa makasandal siya sa headboard. Nilagyan din nito ng unan ang likod niya para maging komportable siya.
"Medyo. Hindi kita ginising dahil ang sarap ng tulog mo. Nag-usap rin kami ng iyong ama kaya hindi agad kita napuntahan kanina," sagot ni Marco at mabilis siyang nag-iwas dito ng tingin nang maalala ang tungko
