Dali-daling pumasok sa loob si Camilla at tinungo ang kanyang kama, humiga at iniisip ang sinabi ni Adonis na aalis sila. Agad na napaisip kung ano ang isusuot, gusto niyang magsisi na hindi nagdala ng mamahaling damit o dress.
'Camilla, it's not a date, okay?' anang ng kanyang isipan upang paalalahanan ang sarili.
Humugot siya nang malalim na paghinga, sumasakit pa rin ang anit sa ginawang paghila ni Zara sa buhok kanina. Napaupo siya mula sa pagkakahiga sa kama at tinatamad na tinungo ang banyo.
Deretso siya sa may lababo at naghilamos. nang makita ang repleksyon sa salamin ay tila nag-iba ang tingin sa sarili. Ibang-iba na siya sa dating Camilla na magarbo at laging sunod sa laway. Napasinghap siya saka dali-daling nagpunas at bumalik sa kanyang kama. Nang maalala ang magulang ay mab
