Ilang araw din ang inilagi ko sa bahay nila Clover sa San Pedro. Ayaw ko mang iwan pa si Clover dahil sa bukod sa naka-confine pa ang Mama niya, ay alam kong may pinagdadaanan ito kay Judd. Pero limang araw lang ang hiningi kong bakasyon at iyung panglimang araw ay nakalaan para sa birthday ni Nanay bukas.
Aalis na ako bukas ng umaga para umuwi sa amin, sa kabilang bayan. Tutal ay isang sakay lang naman mula dito kina Clover papunta sa amin. Nag-eempake na ako ng mga damit ko para sa maaga kong biyahe kinabukasan nang mag-ring ang phone ko.
"Hey! Nasa Manila na kayo?" nakangiting bati ko kay Sevie, kahit na alam ko namang hindi niya ako nakikita.
[“Nasa San Pedro ka pa ba?”] tanong nito.
Ewan ko ba, pero parang may kakaiba sa boses ni Sevie. O baka pagod lang?
"Nakabalik ka na pala. H
