Pinilit kong umakto ng normal sa mga oras na ito, sa kabila ng lakas ng epekto ni Adam sa sistema ko. Akala ko ay nabura na ito sa loob ng anim na taon.
Buti na lang at busy si Adam sa page-estima kay Minnie. Kahit papaano ay nabaling ang atensiyon nito sa babaing attention-seeker. Inabala ko na lang ang sarili ko sa pag-browse sa cellphone ko at pag-inom ng alak.
Mayamaya ay tumayo si Adam at Minnie kaya napaangat ang ulo ko.
"Sasayaw muna kami. Kayo ba?" tanong ni Minnie sa aming dalawa ni Clover.
"Sige lang," sagot ni Clover.
Sinundan namin ito ng tingin hanggang makarating sila sa dancefloor.
"What a small world di ba? Imagine? May common friend tayo," narinig kong sabi ni Clover, habang nakatingin pa din ako sa dalawa na nasa dancefloor.
Ewan ko ba. Gusto ko naman na nakay Minn
