TINAPIK ni Luisa ang kaniyang malaking back pack na naglalaman ng kaniyang mga gamit na dadalhin patungo sa kanilang pupuntahan ni Dylan ngayon. Sa Hacienda Villarama. Kahapon pagkatapos nilang mag-usap at magkaayos ay napagdesisyunan nilang biglaang ituloy ang napag-usapan noon, na isasama siya ni Dylan sa isang probinsya para magbakasyon. Ikinatuwa niya ito nang sobra at talagang nasabik siya. Ito kasi ang unang pagkakataon na magagawa niyang magbakasyon, sakto lamang din dahil sa susunod na linggo ay magsisimula na siya sa trabaho. Simula nang mag-ayos siya ng damit ay hindi na naalis ang kaniyang ngiti. She was really excited. Maya-maya lamang ay susunduin na siya ni Dylan. Maaga silang gumising upang hindi maabutan ng traffic.
Nakapaligo naman na siya at bihis na bihis na. Pagkatapo
