MARAHANG nagmulat ng mga mata si Piper at ang matinding sakit ng ulo ang kaniyang naramdaman. Napangiwi ang kaniyang labi sa matinding sakit nito. Marahan siyang bumangon mula sa malamig na kinauupuan sapo ang kaniyang ulo. Saka niya inilibot ang tingin sa paligid. Halos wala pa rin siyang makita, ngunit ramdam niyang nasa ibang lugar na siya. Malinaw niyang naalala ang mga nangyari. Napahawak siya sa kaniyang sintido at naramdaman ang nanunuyo niya nang dugo roon. Sunod niyang pinunasan ang kaniyang mga luha na muling nagsipatak. Hindi niya alam kung ano ang nangyayari, bakit siya napunta sa ganitong sitwasyon at anong kailangan ng kung sinong iyon para saktan siya.
Marahan siyang gumapang at kinapa ang kaniyang paligid. Nakapa niya ang isang malamig na pader, sumandal siya roon. Doon n
