PUMASOK ang isang lalaki sa loob kung nasaan si Piper. Nahuli siya nitong nakikipag-usap sa telepono kaya naman hinatak siya nito palabas sa container van. “Maawa na po kayo sa ‘kin. Hindi ko na po kaya,” nanghihina niyang pakiusap sa lalaki na siya ring humampas sa kaniyang ulo. “Parang awa n’yo na po—Ah!” Isang malakas na sampal ang kaniyang natanggap at nakapagpadugo sa kaniyang labi. Natahimik siya at nanghihinang napaupo sa sahig.
Lumapit ang lalaki at tinalian ang kaniyang mga braso sa kaniyang likuran. Pagkatapos ay hinatak siya nito sa buhok patungo kung saan. Sa kaniyang panghihina ay hinayaan niya na lamang itong gawin ang nais gawin sa kaniya. Ipinaubaya niya na lamang sa panginoon ang maaring sunod na mangyari sa kaniya. She was so tired and had no energy left to her body. Bu
