NAGMAMADALING umalis si Piper ng inuupahang bahay. Halos hindi niya na nga napansin pang magkaiba ang suot na tsinelas at sando lamang ang suot na pang-itaas. Saka niya na lamang napansin nang nakasakay na siya sa sasakyan at malakas na humangin. Nagtaasan ang kaniyang balahibo sa sobrang lamig. Dahil sa boses ni Luisa at sa maaring kalagayan ni Liam ay hindi niya maiwasang kabahan at mag-alala. Hindi siya mapakali kung ano na ba ang kalagayan ng lalaki. Makailang ulit siyang napabuntong hininga bago tuluyang makababa ng sinasakyan. Halos takbuhin niya na ang daan patungo sa bar, kamuntik pa siyang madapa sa pagmamadali.
Malapit pa lamang siya ngunit tanaw na ang dalawang taong nasa labas ng pintuan. Nakaupo ang mga ito sa sahig. Nakatungo si Liam habang si Luisa naman ay kaagad siyang n
