PAGKATAPOS ng trabaho ay agad na bumalik si Dylan sa hacienda upang tignan ang kalagayan ni Luisa. Ngunit bago tuluyang bumalik ay dumaan muna siya sa pamilihan upang bumili ng prutas at gulay, maging ng ilang sangkap para sa nais niyang lutuin mamayang hapunan. Mahaba-haba ang naging oras niya sa labas, hindi niya akalaing magtatagal siya, ngunit ayos na rin iyon dahil marami siyang nagawa habang nagpapahinga si Luisa. Para rin sa oras na gumaling ito ay makapamasyal silang muli, ngunit sisiguraduhin niyang hindi na mauulit ang nangyaring kapabayaan niya at dahilan kung bakit ito nagkasakit.
“Good afternoon, Sir Dylan.” Naglahad ng palad ang kasambahay upang kunin ang ilan sa kaniyang bitbit nang makapasok siya sa loob ng hacienda, ngunit tumanggi siyang ibigay ang mga ito dahil kakaunti
