Naging mabilis ang paghahanap namin ni Amara ng karagdagang bulaklak ng angel robe. Hindi kalayuan kung saan naganap ang laban namin sa iba pang kandidato ay matatagpuan ang isang maliit na parang ng angel robes. Nagsisiksikan ang mga bulaklak doon kaya’t mabilis lang kaming natapos.
“Ngayon ang kailangan na lang nating hanapin ay ang kung saan ang Start Zone ng palapag na ito,” sambit ni Amara matapos niyang ibigay ang nakolekta niyang bulaklak ng angel robe.
“Wala na ba tayong kakailanganing hanaping item sa palapag na ito?” tanong ko sa kanya dahil parang kay bilis lang ng oras namin sa palapag na ito.
Ni hindi pa nga siguro namin nakikita at napupuntahan kahit na ang kalahating bahagi nito.
“Hindi na ba tayo pupunta sa Limezone?” tanong kong muli.
Umiling si Amara bilang tugon ba
