It was one hell of a family day. Akala ni Saia ay madali lang matatapos yung araw na iyon pero sa kasamaang palad ay hindi. Sobrang tagal ng oras at sobrang gusto na niyang umalis talaga dahil pagkatapos ng nangyari kanina sa field ay hindi na matigil ang mga matang nakamasid sa kanila.
Napapikit na lang siya at napasandal sa inuupuang monoblock. Nasa may tent sila ng kinder ngayon at katabi niya ang mag-ama niya. Pinapakain ni Duke si Naddie at hanggang ngayon ay ramdam na ramdam pa rin niya ang mga tingin ng mga tao.
"Papa, gusto kong ice cream." Rinig niyang sambit ni Naddie.
Dumilat siya at tumingin sa anak. Naabutan niyang ginugulo ni Duke ang buhok ng anak tapos ay umalis na. Nagkasalubong pa ang kanilang mga tingin pero agad din naman siyang nag-iwas ng tingin.
Umayos siya ng
