Hindi mawala - wala sa isip ni Saia ang sinabi ng anak kanina lang. Pinagmasdan niya na lang ang anak na ganadong ganado sa pagkain. Masigla naman ito pero kitang kita niya naman sa mga mata nito ang lungkot.
Bumuntong-hininga siya. Ramdam din niya ang panaka-nakang tingin ng kanyang ina sa kanya. Itinuon niya na lang ang kanyang sarili sa pagkain niya.
Maya-maya pa ay tumayo na si Naddie. Agad niyang tiningnan ito.
"Tapos ka na, anak?" tanong niya. Ngumuso lang ito at saka tumango.
"Brush teeth lang po ako, Mama," sabi nito at saka nagtungo na sa kanilang lababo.
Pinagmasdan niya lang ang bawat kilos ng anak hanggang sa umakyat na ito papunta sa kwarto nila. Bumuntong-hininga muli siya at saka tinuloy na ang pagkain. Walang umimik sa kanila ng nanay niya.
Ilang sandali pa ay
