"C- Chona!" bulalas ni Georgia nang makilala ang taong nasa kanyang tabi.
"Mabuti naman at nakatakas ka nang walang aberyang nangyari." Masayang sagot ni Chona.
Kumunot- noo naman si Georgia. Naalala niya ang sinabi ng nurse na kakilala niya na siyang kasama ng susundo sa kanya. Ibig sabihin ay si Chona ang tinutukoy ni Irene ang nurse na kasabwat niya sa pagtakas.
"Teka, paano ka napunta rito?" muling tanong ni Georgia.
Ngumiti naman si Chona at saka nito hinawakan ang kamay ng dalaga.
"Mahabang kwento pero sasabihin ko pa rin sa'yo. Noong nalaman ko na nilason ka ni Lexie sobra akong nag-alala. Mas nag-alala ako noong ayaw akong payagan ni Nicholai na makita ka. Pabalik- balik ako at nakikibalita na halos magmakaawa na ako kay Nicholai. Subalit matigas siya pinagbantaan niya akong h
