Celestine’s POV
MAGULO ang isip ko nang magising nang umagang 'yon. Ilang araw nang lumipas mula nang masiwalat ang lahat-lahat. Pero hanggang ngayon, hindi ko pa rin 'yon magawang paniwalaan o tanggapin.
Gusto kong umuwi para maitanong sa aking ama kung ano ba talaga ang totoo. Pero hindi ko 'yon magawa dahil natatakot ako para sa anak ko sa oras na malaman nito na ang ipinagbubuntis ko ay anak ng isang Lycan.
Hindi rin maalis sa isip ko ang napanaginipan ko kagabi. Hindi ko maiwasang kabahan kahit pa alam kong isa lamang iyong panaginip. Pero hindi eh, ngayon pa ba ako hindi maniniwala sa mga nalaman ko? Idagdag pa na nakuha ko ang dugo ng aking ina.
Napatingin ako sa aking palad. Wala na roon ang bakas ng sugat. Kung sa normal na tao 'yon ginawa malamang mag-iiwan 'yon ng peklat. Na
