Andrea
ISANG liwanag na nagmumula sa bintana ang tumama sa aking mata, dahilan upang magising ang aking diwa.
Dahan-dahan kong binuksan ang talukap nito hanggang sa tuluyan ko nang maibukas.
Umaga na pala. Hindi ko namalayan na nakatulog na pala ako. Marahan kong ginalaw ang aking katawan ngunit nang gawin ko iyon, kumunot ang aking noo nang makaramdam ng mabigat na bagay na nakayakap sa aking baywang. Sa aking paglingon, nakita ko si Marco na mahimbing na natutulog sa aking tabi habang nakayakap sa akin.
Bumalik ang aking tingin sa kanyang kamay, saka muling tumingin sa kanyang mukha. Mukhang lasing na lasing siya kagabi kaya hindi pa siya nagigising.
Hinawakan ko ang kanyang braso, saka maingat itong tinanggal mula sa pagkakayakap sa akin.
Umalis ako sa kama at tahimik na lumabas n
