Andrea
ISANG paghigop ng kape ang aking ginawa. Natatanaw ko mula rito sa balcony ng aking condo ang abalang syudad at asul na kalangitan ng Maynila. Malamig ang hangin na humahalik sa aking pisngi at ito lang ang nakapagpapa-relax sa aking katawan.
Marahan kong binaba ang tasa sa platito na nakapatong sa ibabaw ng lamesa. Pinag-cross ko ang aking mga binti at muling tumingin sa malayo.
Kasalukuyan akong nasa balcony at nagkakape. Nagtitingin ako ng balita mula sa aking iPad at hindi ko maiwasang hindi mapataas ang kilay sa mga nakikita. Ganoon pa rin pala ang mga issue ng tao, walang pinagbago at paulit-ulit na lang. Kung hindi nakiki-issue ang iba, nakikisawsaw naman. Mukhang wala na talaga ang makapagpapabago sa mindset ng mga ito.
Maya-maya lang, nakaramdam ako ng pangangati ng lal
