Andrea
ALIGAGA ang aking pakiramdam habang kunot ang noong nakatingin sa akin si Marco. Hindi ako makatingin sa kanya nang diretso at panay ang iwas ko. Hindi ko mahanap ang aking itutugon sa bagay na kanyang tinatanong at sa pagkakataon ito, pakiramdam ko ay wala na akong takas sa kanya.
"A-Ano kasi, nandito ako as a wedding planner ng dalawang iyon," pagsabi ko ng totoo sa kanya.
Sumulyap si Marco sa direksyon nila Bryan habang ang mga ito ay nagmamadaling lumabas at sumakay sa dumating na ambulansya.
"Anong nangyari sa kanya?" tanong niya.
Napalingon naman ako sa direksyon na kanyang tinitingnan, ngunit wala na sila Bryan nang tingnan ko ito.
"N-Nalaglag siya sa hagdan, nakakaawa nga, eh. Buntis pa naman siya," paliwanag ko.
Sa pagtaas ng aking ulo, nakita ko ang diretsong tingin
