Andrea
NANLALAKI ang aking mga mata nang makita ang papeles na binigay sa 'kin ni Marco. Nanginginig ang aking kamay habang binabasa ang mga bagay na nakasulat dito.
"B-Bakit? Anong ibig sabihin nito?" nauutal ko pang tanong nang malaman kong pinaimbestigahan niya ako.
"Hindi ba sinabi ko na sa 'yo na kaya kong alamin ang lahat ng tungkol sa 'yo, Elise? Handa akong maghintay hangga't sabihin mo sa 'kin ang lahat, ngunit sa tingin ko, wala kang planong sabihin ito kaya ko ito nagawa," sunod-sunod na wika ni Marco.
Tila binuhusan ng malamig na tubig ang aking katawan at napako sa aking kinauupuan.
"I-I have my reasons, Marco. Please, hayaan mo na muna ako," tugon ko sa kanya.
"Hayaan? Hindi ka tumupad sa napagkasunduan, Elise. Bakit dinudumihan mo ang pangalan ng bago mong mukha? Akala
