Elise
MALAMIG ang sahig na kinahihigaan ng aking katawan. Nakagapos ang aking kamay na nasa aking likuran. Hindi ko alam kung gaano na ito katagal ngunit ramdam ko ang sakit ng aking palapulsuhan. Nanginginig ang buo kong katawan habang nakatanaw ang mga mata kay Samantha na ngayon ay may pailalim na tingin sa akin habang nakahalukipkip.
"I-Ikaw? Ikaw ang may gawa nito?!" pilit kong pagsigaw sa kanya.
"Sino pa nga ba, Elise? May iba pa ba?" sarkastiko niyang tugon sa akin.
"Hayop ka talaga! Wala ka pa ring puso!"
"Bakit? May puso ka ba? Pareho lang tayo, Elise. Buhay ang kinuha mo sa 'kin, buhay rin ang babayaran mo," aniya na nagpatindig sa aking balahibo.
Mariin akong napapikit sa sakit nang maramdaman ko ang marahas niyang paghawak sa aking buhok. Animoy matatanggal na ang aking a
