Jheimwel Rain
"D-Darren?"
Kaagad napabaling si Annah Mhae sa helicopter na nasa likuran niya at naghihintay sa amin, gayundin din sa tatlong tao pa ni Darren na naghihintay sa amin sa labas ng pinto nito.
Muli siyang lumingon kay Darren. Pansin ko ang paggapang ng paningin niya sa katawan nito mula ulo hanggang paa bago siya lumingon sa akin.
"M-Magkakilala kayo?" tanong niya na katulad ko ay nagtataka rin kung paano nangyaring magkakilala rin sila ni Darren.
"Ano pang kailangan mo?" matapang kong tanong sa kanya.
Ramdam ko ang muling pagbangon ng galit sa dibdib ko para sa buong pamilya nila kahit alam ko namang wala silang kinalaman sa ginawa ni Mang Edwin sa akin at kay tatay.
"Darren, p-paanong--may kinalaman ka ba sa pagkakakulong ni Papa?" Bumaling siya kay Darren imbes na sa
