Halos sa harap ng TV na ako tumatambay. Sa totoo lang, wala naman akong interes sa mga palabas sa mga istasyon. Nag-aabang lang ako sa mga balita – mapa-umaga, mapa-tanghali, hanggang sa gabi. Minsan nga, pati iyung late news bago mag-sign off ang istasyon, ay pinapatos kong panoorin. Baka sakaling may marinig akong kapirasong balita tungkol kay Zyrus.
Pinipilit ko namang maging normal ang buhay ko. Pero pilitin ko man na huwag magpa-apekto sa pagkawala ni Zyrus, ay hindi ko magawa. Pero saan nga ba ako mas nag-aalala? Sa isiping baka kung napaano na si Zyrus? O sa isiping magkasama sila ni Joey sa kung saang lugar, na hindi ko alam kung sila lang ba ang naroroon.
Tunay na maraming katanungan sa isip ko na tanging si Zyrus lang ang makakasagot. Pero masasagot pa
