“Ate Ysa, buti nandito ka na uli sa Manila! Kumpleto na uli tayo! Oops! Except kay Ate Cass pala,” bati sa akin ni Jett, ang isa sa kambal ni Tito Judd at Tita Clover.
“Oo nga. Nagtaka nga ako nung hindi na rin ako pinabalik ni Daddy sa Cebu. Sana, hindi magbago ang isip.”
“Hindi na siguro iyan, Ate Ysa. Baka approve na si Kuya Zyrus sa kanya,” sabat naman ni Josh, iyung isang kambal.
Nandito kami sa bahay nila, at dito ang venue ngayon ng get-together ng apat na pamilya. Kumpleto na ang tatlong pamilya, at ang pamilya na lang nila Zyrus ang kulang.
“Aba! Aba! Aba! Siguro, kami ni Zyrus ang pinag-uusapan n’yo nung wala ako. Ano?” birong tanong ko sa kanilang dalawa.
Nagtinginan muna sila, bago sumagot si Josh. “Concern lang kami sa in
