MISTER UKYO
NAKASULYAP lamang kami ni Orion sa kotseng papalayo sa aming dalawa ngayon. Para kaming binagsakan ng langit at lupa dahil iniwan kami ni mommy dito sa mansion.
“Daddy, dapat asama ako kay mommy, eh! Ikaw kasi! Sasama ka pa, ako na lang dapat!” malakas na sabi ni Orion sa akin at pinalo niya ako.
Ngumisi ako sa kanya at binuhat siya. “Kung hindi ako kasama, hindi ka rin kasama dapat, Orion.”
Nakita ko ang gulat sa mukha niya dahil sa sinabi kong iyon. Kahit anak ko siya ay hindi ako magpapatalo sa kanya. Maiiwan ako rito tapos siya kasama si mommy sa Mall.
No way.
“Argh, daddy, bad-bad ka! Asumbong kita kay mommy mamaya! Sabihin ko kay mommy na away mo ko!” malakas niyang sabi sa akin kaya tumawa ako. “Awinig mo ba asabi ni mommy kanina? Abantayan kita. Apag hindi kita ak
